東網電視
更多新聞短片
巴黎時裝周成內地女星「混戰」鬥靚盛會，大批紅人索女都會去朝聖，就好似早前上機時已經化行妝出發嘅影后周冬雨咁，佢去到時裝周未扮靚現身品牌睇騷，反而先去當地名店行街掃貨，仲Shopping買到上熱搜。原來係有網友喺巴黎行街時，偶遇周冬雨同內地女星宋茜行街，兩位大美人更似乎都係撞到，而非約埋買嘢。
周冬雨早兩日化行妝出發時裝周，啱啱先到達當地。
有人喺名店大嗌「宋茜」（紫色外套）。
原來係周冬雨（右二）撞見宋茜，即刻相認。
有網友就還原當時聽到有人大嗌「宋茜」，只見宋茜轉身回應：「嚇一跳！誰叫我？」跟住就見到周冬雨笑晒口咁行近，並言：「我看見你從那邊走過來！」二人即時走近對方繼續掃貨。雙方粉絲本身仲擔心偶像要倒時差，留言笑二人「兩眼一睜就是買買買」，非常搞笑。
宋茜貴為女神，梗係要扮靚靚。
粉絲笑佢一瞓醒就即刻去Shopping。
