東網電視
更多新聞短片
視后佘詩曼（阿佘）近日應邀參加米蘭時裝周，之後佢帶隊同同事留當地周圍玩，之後佢就收拾心情準備拍《新聞女王2》。女神喺米蘭開完工又歎完，成個mode都放鬆晒，但原來佢早前搭飛機時，已經被網友野生捕獲咗都唔知，令佢機上真實面目被全程曝光！
佘詩曼早前去米蘭時裝周，狀態大勇。
佢都有影低當時自己出發時嘅飛機Selfie。
有網民指早前喺飛機上偶遇佘詩曼，仲影咗好多相分享到社交網，留言大爆料：「激動！在機上偶遇TVB女王佘詩曼~佘詩曼的皮膚狀態真是好的驚人！非常白且透亮！飛機上保持身材的秘訣：1杯茶+1個冰淇淩 下機前只用粉底簡單補了個妝~」該網友就話呢輯相其實係今年元旦時影嘅，不過都睇得出佘詩曼於相中近乎素顏，都一樣白到發光，成程面帶笑容咁出入座位，更被拍得戴眼鏡撳電話，不過最估唔到佢咁鍾意食雪糕，連搭飛機都要食。
真實嘅佢係白到發光。
成程機佢都只係食咗一杯雪糕同飲茶。
想Keep得好就要學嘢喇。
