東網電視
更多新聞短片
台灣女星林依晨2014年同圈外老公林于超結婚，2021年誕下寶貝女兒，最近忙工作周圍飛嘅林依晨去年剛過結婚10周年，依家傳出懷有第二胎消息，對此林依晨亦大方回應。林依晨同老公雖然長期分隔兩地生活，對於維繫夫妻感情卻相當有一套，日前先慶祝結婚10周年紀念，原來已經懷有第二胎。根據台媒爆料，林依晨大方證實目前已懷孕5個月，準備於今年夏天升呢為二寶媽，終於如願畀愛女有個弟弟/妹妹相伴。
林依晨（前排左一）最近以素顏現身好友飯局。
現年42歲嘅林依晨，佢坦言第二胎嘅初期孕期反應明顯比第一胎不適，但有第一胎經驗，反而喺心情上相對輕鬆，難掩即將升為二寶媽嘅喜悅。同時林依晨亦透露，其實從去年年中就開始為懷孕調養身體，如今順利傳出好消息，全家人都非常開心。
原來係已經有咗5個月。
今次孕期反應明顯，仲已經係由去年年中就開始調養身體。
