東網電視
更多新聞短片
視頻觀看次數: 1.2k
藝人衛詩雅今晚（22日）現身香港電影工作者總會春茗，憑英皇電影《破．地獄》6度封后的她，自言在總會中沒有任何職位，揚言不介意打雜，認真抵得諗！被問到造人大計時，衛詩雅即玩食字，直言已做了40年人。
衛詩雅表示在造人上毫無壓力，可以放心搏殺。
「香港電影工作者總會」今晚舉行春茗，身為會長的古天樂、衛詩雅、黃浩然、邱彥筒（Marf）、張繼聰夫婦及林家熙等傾巢而出，全場筵開26席，大會向3位幕後工作人員頒獎以示鼓勵，相當熱鬧。
衛詩雅受訪時直言非常期待這次晚宴：「因為平日同啲工作人員只係好趕咁喺片場食飯盒嘛。（妳喺總會有冇職位？）冇呀，不過可以自薦，做打雜都得。」自言近日開始有假放的她，被問到造人大計時即笑說：「做人？我做咗40年喎，哈哈！呢方面冇壓力嘅，一切順其自然，反而我同老公有傾過領養，屋企人都冇畀壓力我哋。（有冇認真咁調理身體去備孕？）又冇喎，不過每晚老公都畀好多Supplement我食。」談到金像獎戰衣，衛詩雅透露仍未有定案，又自嘲就算性感上陣老公也不介意：「因為我冇嘢睇，同一件衫人哋可以着到好性感，我會變成童裝㗎！」還透露老公當晚會同行支持她。
衛詩雅人氣高企。
古天樂助力新血入行
同場的古天樂談到為3位幕後工作人員頒獎，他感性表示：「有啲前輩，可能喺呢行做咗好耐，一直未必有機會攞獎，獎項對佢哋嚟講，可能係成個演藝生涯嘅肯定。有啲頒獎禮只係頒畀幕前，但我個人覺得幕後都付出咗好多。」又透露總會撥款資助參賽者實現拍電影的夢想：「我哋會喺幾十套戲裏面，揀出10套入圍，然後我會同參賽者見面。」他直言有新血入行值得鼓勵，嶄新的想法有助於刺激整個行業。
古天樂期待更多新血加入電影行業，帶動發展。
另外，徐少強兒子徐偉棟早前被指跟無綫花旦姚子羚發展姊弟戀，昨晚他被追問戀情時表示：「都係嗰句，畀多啲空間我哋大家了解吓。（欣賞佢啲咩？）佢嘅愛心同工作態度，佢對朋友好好。（差啲咩先可以變成情侶？）呢個我都喺度參透緊，大家可以畀啲意見我，點樣追吓女仔。」又稱期待跟對方進一步。
徐偉棟直言欣賞姚子羚，希望能更進一步。
張繼聰與太太謝安琪以情侶裝現身晚宴，公然放閃。
周家怡派心。
同場，COLLAR經理人Wing因與馬志威戀情而成為焦點，成員Marf即搞笑幫對方解圍：「今晚我嘅藝人唔做訪問呀！」受訪時，談到男友林家熙在場，Marf直言拒絕合照：「因為我覺得要有共同作品先至影（相），呢個先係好有價值嘅合照。（唔介意情侶當演出？）梗係唔介意啦，希望合作嘅作品好有挑戰性，同埋我好鍾意科幻嘢。如果咁啱有人賞識我哋，我係相當樂意嘅。」
記者笑她為Wing「擋駕」，Marf即謂：「3年嚟我哋都係互相扶持嘅。（咁會唔會試吓拍拖4人行？）哎呀，呢啲會唔會都唔同你哋講，不過我個人嚟講係好欣賞馬志威嘅，佢都有同林家熙踢波。（咁係唔係你哋牽紅線？）又唔係，佢哋本身識咗好耐嘞。」
Marf狀態大勇。
林家熙（右）亦有到場。
田啟文都有出席。
黃浩然架上墨鏡出席。
