東網電視
更多新聞短片
視頻觀看次數: 11.9k
混血男星金城武自2017年完成麥浚龍電影作品後便消失人前，神穩8年音訊全無，早年其恩師陳昇爆佢去耕田，但原來佢已經偷偷重返幕前，最近成為內地家品品牌代言人，宣傳照曝光後，掀起熱議。
金城武8年後再見人，完全無變化。
早年佢恩師就話佢去咗耕田。
金城武當年拍好麥浚龍執導作電影《風林火山》，隔咗成8年都未上映，最近則傳出佢有望於2025上半年問世。私下個性極為低調嘅金城武，定居日本，幾乎唔冇公開露面，直到尋日（27日）品牌於平台公布金城武兩張形象照，先令粉絲終於一睹男神近況。
見金城武留有微捲髮型，身穿樸素上衣同襯衫，一手插袋、一手拖住單車，行喺長滿綠色植物嘅柏油路上，自然又有文藝氣息。另一張相就見佢坐喺台階上手拎綠色植物，旁邊仲有個鏟，似係整理緊花圃。今日（28日）平台更上載最新宣傳片，只見金城武零走樣，51歲都仲青靚白淨，令人心動，加上一身純樸打扮毫無佬味，似食咗防腐劑一樣。
今次都好有大自然氣息。
繼續型到震。
51歲都仲零走樣。
一身打扮仲好有氣質。
毫無佬味，不得了。
