東網電視
更多新聞短片
內地女星白鹿已上位成一線小花，平時親民愛笑個性深入民心，最近因劇集《北上》而人氣急升，嚟到大結局，白鹿發長文告別角色，豈料被網民發現接連出現錯別字，加上佢早年都多次打錯字，竟惹嚟網民嘲諷佢係文盲、學歷低，被轟上熱搜。
白鹿告別角色長文係咁畀網民捉錯字。
白鹿於角色發文中，被發現有三句句子出現錯別字，如寫到：「磕着瓜子…」按前文後語意思理解，正字應為「嗑」；「再我一次次…」正字應為「在」；「我們終會如潺潺流水泳向…」正字應為「湧」。眼見佢錯別字頻出，有網民直言呢個水平連小學生都唔會犯，佢竟屢次出現打錯字，嘲諷佢「根本是文盲」、「學歷低 知識水平果然不高」，而白鹿本身只有高職學歷，早年畢業於江蘇聯合職業技術學校，常州旅遊商務分院。
咁就被批係「文盲」。
更因白鹿高職學歷，嘲諷佢「學歷低 知識水平不高」。
眼見旗下力捧藝人被嘲諷，其老闆、「金牌監製」于正即為白鹿發聲：「我經常一打完就發，一發經網友提醒就發現錯別字，然後編輯，像我們這種真誠的直發人士，沒有人審稿斟酌，你們要珍惜。」又指人冇十全十美的：「內娛快沒活人了，還挑剔，要完人去買個娃娃，別追星。」
于正都睇唔過眼，話係冇人審稿斟酌先會打錯。
力撐白鹿真性情，係難得嘅「內娛活人」。
