東網電視
更多新聞短片
資深藝人黎彼得（Peter）近日感染流感入院，情況嚴重一度要入ICU，經歷過生死，今日（28日）他公開近照，向關心他的朋友報平安，原本Peter每個星期都會在網上主持吹水節目《玖噏秘笈》，2月初工作完畢回家，睡覺時感覺到呼吸不暢，身體不適：「初時以為感冒，到第二日去睇醫生，照X光後發現肺部有花，要入院檢查，入院後繼續呼吸困難，醫生建議入ICU，又叫我打電話叫屋企人來，初時打唔到畀個仔，最後搵咗好朋友鍾志光，佢第一時間去我屋企接仔仔探我。」
其後Peter情況轉好，轉回大房觀察，住院期間他不能落床，腎功能指數又高，大小便有困難需要插尿喉，又有貧血輸了兩包血：「所以今次住院經歷一世難忘，多謝醫生護士各方面照顧，又好多謝鍾志光探我又買嘢畀我食，健康真係最重要。」
黎彼得呼吸困難入ICU。
黎彼得不准落床要插尿喉。
黎彼得,再次經歷過生死。
