東網電視
更多新聞短片
無綫小生孔德賢是運動健將，足球、排球、籃球、游水瓣瓣掂，擁有一張俊俏臉孔的他，更是滿身肌肉。日前他於社交網PO了一張與多位藝人在網球場的合照，當中包括洪永城、李思雅、黃庭鋒、徐榮、吳偉豪、陳靜、譚嘉儀等，而他們即將參與5月23日舉行的網球慈善明星賽，孔德賢接受東網獨家訪問時表示自己打了網球半年，最近更是一星期打足4、5日，加緊訓練，他謂：「今次係我第一次參加網球比賽，所以都好緊張，我哋一班藝人都好想組織一個藝人網球隊，目的係想做多啲慈善活動，而師姐、網球港隊嘅李思雅好好，佢都有指導我動作點樣做得更好，叫我打多啲，之後一齊再參加比賽。」
孔德賢準備攻下個月網球明星賽。
佢都落足力打咗半年喇。
肯定想有好成績。
之前孔德賢上完無綫的演技班後，跟導師賴慰玲及鄧智堅學戲獲益良多，日前他們齊齊約埋睇七人欖球賽，孔德賢謂：「最開心係可以同賴慰玲個仔一齊玩，我都係第一次入啟德呢個場，氣氛好好，大家睇得好開心，之後有幾支英超球隊嚟香港作賽，我已經準備買飛支持，作為運動發燒友嘅我一定會入場捧場。」他又指現時正拍攝一個打工節目，月中又會到馬來西亞登台，相當充實。
佢未比賽，先入七欖現場感受氣氛。
又係第一次入啟德呢個場。
不過佢最開心係可以同賴慰玲個仔一齊玩。
