東網電視
更多新聞短片
「億萬駙馬」藝人伍富橋2014年參加《超級巨聲4》後加入無綫，入行10年，日前他突然與太太現身HOY TV活動，直認跟無綫已改簽「一年一騷」，由親生仔變基本合約藝人，歡迎任何工作直接聯絡他。
伍富橋跟無綫已改簽「一年一騷」。
他接受東網訪問時就否認因為無綫人工太低而轉約，他表示：「唔關事，由美國讀完大學返港就加入TVB工作，感覺喺溫室過咗10年，覺得係時候要跳出舒適圈，都快31歲，可能相對新人後輩係差啲，但覺得仲有可塑性，希望可以做獨立歌手同不同音樂人合作，自由度大啲，可以揀自己想做嘅音樂和表達嘅訊息，先至有呢個決定。」
伍富橋獲太太支持。
他表示公司經理人一直對他照顧有加，所以今次只是轉換另一模式繼續同TVB合作。近年他少有參與拍劇也有關？他直認過去兩年「少產」是因為結婚及忙於健身室生意，透露最近都有份客串《夫妻的博弈》，笑言：「雖然無乜對白，係做綁匪，壞人嘅手下，但係我都好享受，其實有冇對白，乜嘢角色都冇所謂，好似幾年前喺《法言人》演一個自閉症角色就覺得幾好玩，要有準備先可以做到呢啲角色。」
伍富橋和太太相當恩愛。
情深一吻。
盡在不言中。
伍富橋是愛妻號。
