東網電視
更多新聞短片
愈來愈多港人沉迷玩智能手機。(資料圖片)
智能手機是現代生活必需品，但不少人整天機不離手，無時無刻地化身「低頭族」，更影響日常生活，出現成癮問題，惟不少市民未必知道自己成癮，最終令問題愈趨嚴重。有病態賭博機構代表批評政府漠視現況，未能幫助市民面對手機成癮問題。
「手機成癮聽就聽得多，但求助個案就冇乜。」病態賭博防治會代表張杰光坦言，大部分市民都不知道自己對手機成癮，「始終沉迷手機唔同賭博，賭博一爆煲個銀碼大，影響會明顯啲，令佢哋會主動求助，但佢哋會覺得玩手機唔係咁大問題。」張補充，港人在成癮問題上大多較羞愧，即使知道自己成癮，亦未必敢主動求助，令問題愈來愈惡化。張續指，政府漠視手機成癮問題，「政府由始至終咩都冇做過，冇理過個問題，甚至連宣傳提醒市民，注意成癮問題都冇做到。」
香港青年協會督導主任徐小曼表示：「好多家長成日用手機，最唔好嘅例子係無論處理學校同家長會嘅事項，全部都會以手機群組為主，喺小朋友前經常用手機，仔女大個可能都會有樣學樣。」徐指，家長沉迷手機會為年幼子女樹立「壞榜樣」，「食飯時叫仔女唔好打機，但原來自己部手機喺隔離，會隨時拎嚟睇。」
