政Whats噏:譚香文第二度退出「前綫」

20180425
東網電視
更多新聞短片
譚香文今日發聲明,指已於上星期五退出政黨「前綫」。(資料圖片/譚香文 Mandy Tam fb)
黃大仙區議員譚香文今日(25日)喺社交網站發聲明,指已經喺上星期五退出政黨「前綫」。譚香文回覆話,今次係佢第二次退出前綫,該組織近年已無政治活動同行動,希望退出以集中力量做好地區工作及會計界選委嘅工作,相信前綫已無區議員。至於曾以前綫身份參選嘅立法會議員陳志全亦指,已無交幾年會費,當自己已經唔係前綫代表。
譚香文指,今次退出已獲前綫召集人甄燊港接納,感謝甄燊港夫婦多年來對佢嘅支持同幫助,日後將以獨立民主派區議員身份繼續服務。佢又提到,2016年人民力量堅持派譚得志到九龍東參選,逼走前綫,自己其時心灰意冷,覺得有人唔夠義氣,不單止退出人民力量,亦有一段時間曾脫離前綫,其後喺甄燊港夫婦挽留下返去,但之後好少參與該組織嘅活動,依家正式退出,喺民主動力嘅協調中亦會申報為獨立。
譚香文喺2006年公民黨創黨時係成員之一,其後喺2009年退出公民黨,其後喺2013年加入前綫及人民力量,2016年,包括譚香文在內嘅前綫退出人民力量。