深水埗天降橫財：「幣少爺」做主導？社交網預告「派錢」

綽號「幣少爺」的黃鉦傑，網傳主導今日(15日)在深水埗掟錢前，早已事先張揚宣告派錢。他在facebook直播稱，「12月15號係FCC既大日子，因為意味着fcc交易比賽公佈，頭獎得主有機會贏2000萬港幣現金，1至50名都會有獎，獎品總值超過4000萬，簡單可能玩$100蚊都有機會贏取頭獎，今次係fcc係全港第一條公鏈，亦係我哋香港人可以賺盡中國市場錢的唯一機會，想賺首期買樓過更好既生活一定要買fcc，因為簡直係中國人送錢比香港人洗(使)，賺到錢對的感謝返我哋偉大嘅祖國。」

「今日既主題係劫富濟貧，我自細就有一個夢想，希望做一個正義使者，超級英雄，可能好多人會因為年紀逐漸長大，被工作不停磨滅，所以失去左這個心，我亦非常能夠體會，因為我都曾經辛苦過，只係幣圈世界太過夢幻，短短幾年時間就可以令到我重拾童真，唔知大家有冇想像過會有一日錢可以從天而降，我幣少爺，今日企係度話俾你地知，只要你有夢想，就所有事情都係有機會發生，錢就係從天而降。」

懷疑有份策劃在深水埗掟錢落街的「幣少爺」黃鉦傑，年僅24歲，自稱在虛擬貨幣賺大錢。他在其Facebook不斷介紹其賺錢大法，並稱：「股票輸死人，既然係咪都輸，倒不如玩D(啲)可以一朝發達，反正人生在世，做隻狗，博個希望有咩唔好？」

黃鉦傑自言，自己由公屋搬到西貢豪宅，全靠炒Bitcoin起家，他2015年開始認識Bitcoin，由30萬本金炒起，僅用一個月時間，身家便翻了一倍，至今更達逾千萬元。除了比特幣，黃又推銷Filecoin，聲稱 「預計三個月回本，兩年賺八倍」。為了吸引更多人加入炒幣行列，黃不時在網上大晒「錢山」、晒名車、晒萬五呎獨立屋豪宅，又高調接受傳媒訪問，暢談其炒幣心得及收穫。

黃亦成立幣少集團有限公司，董事僅他一人，他名下有不少名車，今午撒錢前他駕林寶堅尼踩場做現場直播，跑車的登記車主正是幣少集團，該車於2012年首次登記，當時車價逾630萬元。有消息指出，「幣少爺」最近開班推銷挖礦機掘金，吸引不少想搵快錢的人報讀，他同時在社交網發文，指出「只要你有夢想，就所有事情都係有機會發生」。不過，有人質疑他提供的挖礦機太貴，令人懷疑他是否謀取暴利。