網民熱話:印傭求放假尋海嘯失蹤家人 僱主:依家未死

20181225
東網電視
更多新聞短片
香港有涼薄僱主以家中寵物無人照料為由,拒絕讓印傭放假回鄉尋找家人。
印尼巽他海峽上周六(22日)晚發生海嘯,造成逾千人傷亡,萬人流離失所。大家都對災難造成嚴重傷亡而感到痛心之際,香港卻有自私僱主以家中寵物無人照料為由,拒絕讓印傭放假回鄉尋找家人,並質疑對方在找藉口偷懶,更過分地稱:「你親人真係走咗到時搞白事自然畀你放啦。」
該名僱主日前在討論區發貼,稱家中印傭指家人在海嘯事件中失去聯絡,擔心家人安危,不斷哭求請無薪假回鄉尋親,但僱主稱印傭今年的假期早已用畢,現在突然要求放假卻無一個月通知,惟自己與丈夫身在外地旅行,家中寵物無人照顧,「佢走咗邊個照顧佢哋,我已經好人答應話我1月返嚟香港會畀佢放,佢仲係咁打長途煩住我」,故拒絕批假,並指「你(印傭)屋企人有機會離開關我甚麼事」,並質疑印傭家人「依家唔係死咗只係失蹤」,若真的離世自然會讓印傭放喪假。
不少網民看罷貼文後狠斥僱主涼薄冷血、無人情味、無人性,並指「有錢請工人唔係大晒」,天災無人可以預料,應該將心比己,着對方細想當親人突然有事時,自己可否提早一個月通知老闆。
不過該僱主雖受千夫所指、遭受網民圍攻仍未懂收斂,刪除原本的貼文,後來又在討論區查詢寵物酒店資料,並揚言自己貼錢租寵物酒店而毋須印傭支付,着網友不要再人身攻擊她。不過之後她又在討論區出貼,指印傭行為惡劣,成日偷懶玩電話,想尋求「炒工人而又不需要賠償一個月薪酬的方法」,因而又再與網民掀起罵戰。有網民希望她永遠唔好再用工人,並笑稱「工人甩難」。
網民有話說
anpanmenbaby:哇,你咁無人性既(嘅)說話都講得出因住有報應
kiukiu1016:打你工,都幾慘
kit2004:口賤心黑,你平時對姐姐都唔方好得去邊!
oi_oi:樓主心地好差,做人吾(唔)好咁自私,比d(啲)良心出黎(嚟)啦,天災既(嘅)嘢無人想,姐姐離開屋企去到香港打工,養家,而家發生左呢d(啲)事,將心比心吧
beetle910:即炒人仲想錢都慳,真係無良雇(僱)主,心地差仲要蠢到公告天下,第一次見,小心他日有報應,身邊親人都會咁對你
※緊貼網民熱話,掌握最熱話題,請關注網民熱話fb: