藍利是襯白花 電訊商被嘲派吉儀 真相原來係…

20190117
東網電視
更多新聞短片
呢個設計都幾特別……
派利是當然想利利是是,有個好意頭。惟近日有電訊商派發的利是封,以藍底配上白花,收到的市民當堂嚇一跳,直呼︰「大吉你個利是」。
從相片可見,長方形的利是封以紫藍色作底色,右邊襯以銀白色燙金的白花。發貼者批評該利是封與殯儀物品的用色極為相似︰「邊個設計利是封嘅企出嚟,我保證唔打死你。新年流流死人藍襯白花,畀啲長輩見到肯定即時同你開年」。
有別於傳統大紅大金的的設計隨即引起網民的議論︰「係咪因為佢本身嘅logo係藍色」、「差粒糖同紙巾」、「吉儀利是不用分得那麼細」;有人則認為並無不妥︰「藍色有咩問題,幾靚呀」、「咩年代呀?黑色都有人用啦」、「我個人重視內涵多啲」。
不過一眾網民都炒晒車。據了解,該電訊商的利是封原是紫色,不過網上流傳的照片因拍攝時出現色差,故呈現為藍色。而一套兩款的利是封除了紫色,還有紅色的款式,相信是寓意大紅大紫。
---------------
《港呢啲》:大事小事騎呢事,東網嚴謹選題,輕鬆製作!