每日一片:撞牛黑點再出事 大嶼山的士直路盲撞牛

2019年08月24日 12:44
東網電視
更多新聞短片
的士司機收掣不及,將牛牛撞飛,而的士車頭亦嚴重損毀,可見衝力之大。(Facebook群組「小心駕駛(討論別人駕駛態度)」影片截圖)

大嶼山有不少流浪牛,過往亦不時發生車輛撞傷或撞死牛事件。近日有車Cam就直擊到一架大嶼山的士在路上將牛牛撞飛,雖然牛牛事後能自行爬起,卻未知是否已身受重傷。而涉事司機事後亦呆立現場,為損毀的的士而頭痛。

現場是大嶼山嶼南道,據車Cam資料顯示事發於昨日(23日)傍晚7時21分。據片段所見,當時交通暢順,車流不多,而一架大嶼山的士一直前行,突然一隻成年牛牛從左邊跑出橫過馬路,的士收掣不及,牛牛被撞上擋風玻璃後,再彈回地上。只見牛牛翻了一圈才掙扎爬起,緩緩走回行人路,更一度盯着的士。至於的士司機事後亦步出車廂,一臉無奈望着被撞擊至車冚摺起的的士。

雖然的士要為維修車輛而煩惱,不過卻得不到網民的同情。「的士X真係盲嘅,一定掛住睇電話。撞完落車唔係去睇吓撞到嘅動物有冇事,係睇自己車,冇人性!」「告呢啲盲人啦」、「盲就唔好揸車」,亦有人為牛牛傷勢擔心,「牛牛一定好痛」、「隻牛好慘」,「希望牛牛冇事」。