東網電視
更多新聞短片
下周再有6個事務委員會會議取消。
因應新冠肺炎疫情擴散，立法會已取消本周召開嘅大會同多個事務委員會會議，而下周亦有6個事務委員會會議取消，要另訂日期開會。至於下周三(19日)大會同工務小組委員會，以及下周五(21日)嘅財務委員會係咪如期召開，則未有決定。
按照立法會嘅文件指出，政制事務委員會今日(12日)宣布取消下周一(17日)嘅會議，而原定下周二(18日)召開嘅交通事務委員會鐵路事宜小組委員會、人力事務委員會、福利事務委員會同公務員事務委員會亦要另訂日期開會，以至下周五召開嘅交通事務委員會都會改期，至於下周六(22日)嘅工業大廈政策相關事宜小組委員會亦將延期。
人力事務委員會原定本周召開特別會議，討論有關增加產假嘅事宜，但連下周會議都被取消，會唔會拖延進度？委員會主席何啟明指出，下周召開嘅係恒常會議，將視乎疫情嘅進展，再與秘書處商討，睇吓遲啲可唔可以攝期，早啲召開特別會議，但一切都要以安全為最先考慮因素。
