政Whats噏:港台以疫為由停9節目 關注組批唔識變通

2020年07月21日 21:10
東網電視
更多新聞短片
港台以疫情為由暫停4個電台頻道晚間共9個節目。
香港電台(港台)因應疫情,今日(21日)起至下周日(26日)暫停4個電台頻道晚間共9個節目,包括第一、第二、第五同普通話台,每晚11時至翌日清晨將會聯播,而第一、第二台各有兩個節目暫停,第二台《晨光第一線》延遲2小時,朝早8點先播出。另外,第五台3個節目同普通話台兩個節目亦暫停。
港台發言人就解釋,咁做係為咗減少廣播大樓人流,同埋因應服務提供者關注作出調動,電台會繼續提供新聞及最新疫情、防疫資訊。但有關注團體就認為依家市民在家抗疫,需要更多資訊,公營廣播喺抗疫期間,更加需要維持服務,認為港台唔應該此時減節目。
公營廣播關注組召集人彭長緯就話公營廣播機構唔單止將最新訊息,準確向市民匯報,其實做一啲節目,防疫也好、精神上嘅健康都好重要,仲話可以喺雲上、網絡上處理,認為港台本身技術上應該處理得到,又擔心一旦疫情持續,港台會再縮減節目。