政Whats噏：拒參加病毒檢測惹爭議　何栢良煞停電台節目

自從新冠肺炎疫情爆發以嚟，周不時見到有醫學專家接受訪問，解答公眾疑難，香港大學感染及傳染病中心總監何栢良更幾乎日日現身電台，用10分鐘時間同大家追蹤本港疫情、教授防疫之道，尋日(26日)佢忽然話呢排工作同家務都比較繁忙，要暫停呢個訪問環節，煞停咗呢個持續約半年的安排，唔通同佢拒絕參加全民檢測有關？

何醫生只係以電話短訊通知節目主持人，暫別方式都好匆匆，咩事咁急呢？會唔會同佢日前話自己唔會報名協助全民檢測、亦唔會參加檢測有關？呢件事惹來唔少批評，指摘佢之前多番批評政府檢測工作做得唔夠，檢測量太少，不能有效防疫，但到政府推行大規模檢測時，佢又批評作用不大，質疑佢立場反覆。甚至有網民質疑佢得閒做節目，但就唔得閒抽好少時間做檢測。

何醫生事後冇再講檢測，昨日向電台主持人發出短訊後，就停左持續半年的合作，何醫生喺短訊中話，「多謝電台今年初畀機會我，每日同聽眾分享疫情資訊，自己亦都獲益良多」，又意有所指咁呼籲：「面對疫境，市民大眾要平心靜氣，用『科學』原則去應對，疫境自強！」

呢個星期一(24日)，何栢良喺同一個節目中話，無打算報名協助採樣，自己亦不會參加檢測。佢批評，全民檢測喺政府「三管齊下」策略下成效低。佢認為，自己有嚴格管理生活，受感染機會微乎其微，所以唔會懷疑自己係隱形傳播者。

－－－－－

《香港信貸》上市公司，紮根香港廿三年，專業可靠；申請只須一個電話，即時解決您的資金需要！

．物業一按二按．公居屋貸款

．業主私人貸款．中小企貸款

查詢：2525 3535

網址：https://bit.ly/2Xvlfys

Whatsapp：https://wa.me/85293210040

忠告：借錢梗要還，咪俾錢中介

放債人牌照號碼 : 香港信貸財務有限公司1065/2020；香港信貸(私人貸款)有限公司0336/2020