東網電視
更多新聞短片
劉仲恒(左)同馬露明(右)同B仔(中)合照。
1/2
都市人生育率普遍都比較低，但香港教育大學校董會主席馬時亨嘅大女馬露明就唔係咁睇，坦言鍾意大家庭嘅佢今日（7日）再添仔仔，喺山頂明德醫院誕下佢嘅第3胎、第4個BB添，可以話係完滿6口之家。至於馬露明同佢丈夫劉仲恒就決定幫細仔取名劉智安（Matthew Joanthan Lau），寓意智慧、平安喜樂同上天嘅禮物咁話。
話說馬露明同丈夫都好鍾意小朋友，佢哋亦有共識婚後要組織一個大家庭，計埋啱啱出世嘅細仔，2人已育有3仔1女，包括4歲嘅大仔同1對1歲嘅龍鳳胎。
本身從事教育事業嘅馬露明之前都講過，自己好重視同小朋友相處嘅時間，但都覺得疫情下好多事情都變咗在家工作，話時間分配的確係一大挑戰呀！
仔仔取名劉智安，寓意智慧、平安同上天嘅禮物。
