政Whats噏：曾觀看港樂演出　馬逢國今接受病毒檢測

香港管弦樂團(港樂)一名樂師感染新冠肺炎，佢日前喺傳染期曾參與兩場表演，合計有超過1400名觀眾曾觀看演出，當中包括民政事務局局長徐英偉，仲有體育、演藝、文化及出版界議員馬逢國。日前話唔打算接受病毒檢測嘅馬逢國就透露，今午(15日)出席立法會委員會會議前去咗做檢測，仲話自己一直無拒絕過做檢測喎。<br/><br/>馬逢國話，自己觀看演出時有佩戴口罩，而且座位同舞台相隔一段距離，所以早前評估認為唔屬於高風險群組，冇打算接受檢測，但就重申自己係持開放態度，若果政府或衞生防護中心認為有需要，佢都會去做。佢又話，政府尋日呼籲觀眾都應該做檢測，所以佢今朝都有去做。