政Whats噏：范國威辭任西貢區議員　區會大會獨留空櫈

被控「串謀顛覆國家政權罪」、目前正喺荔枝角收押所還押嘅新民主同盟范國威(Gary)，日前以無法履行區議會職務為由，決定辭去西貢區議員一職。西貢區議會今早(19日)舉行大會，已經冇放上Gary嘅名牌，只係得返一張空櫈。<br/><br/>Gary今次辭職，為超過20年嘅區議員生涯畫下休止符，佢從政早年曾加入民主黨達14年，係黨內嘅改革派，經常畀該黨元老司徒華指摘破壞團結。佢喺2010年因反對民主黨政改方案，退出民主黨另起爐灶，成立新民主同盟。Gary先後喺2012年10月至2016年9月，同埋2018年3月至2019年12月期間，曾出任立法會議員。<br/><br/>日前佢就以還押期間無法履行議會職務為由，辭任區議員。就住Gary嘅議席空缺，政制及內地事務局尋日(18日)回應查詢時指，暫未有計劃喺短期內進行有關補選。