東網電視
更多新聞短片
王進洋貼文招聘議員助理。
離島區議員王進洋日前因為涉無喺限期內補交強積金，被警方拘捕，其後保釋外出。不過事隔兩日，王進洋就再喺Facebook貼文招聘全職同埋兼職議員助理，究竟今次會唔會又遲咗僱員供強積金？
王進洋日前公開招聘全職及兼職議員助理各一位，形容係要做佢嘅分身，除咗需要處理電郵、統籌活動、跟進街坊求助個案等基本議助工作內容外，王仲話如果議助交到貨畀佢嘅話每日可以返2至3個鐘就走得，比原本平均每日接近9個鐘嘅工時短。之不過，王又表示謝絕老屎忽職場文化，如有發現佢會即時「攀」議助走啊！哇，咁惡嘅？
不過王進洋趕人走都唔係第一次嘅事啦，早前佢因為涉遲交強積金被捕，正正就係因為佢同室友起爭執，王打算趕走室友，室友再報警稱王遲咗交強積金囉。王其後有澄清該名室友並非如媒體所講係佢個女友，亦有再招室友合租，不過最後招唔招到就未知喇！
