政Whats噏：掛住開會買唔切蛋糕　柯仔用漢堡包幫太太慶生

生日通常都會食生日蛋糕慶祝，如果買唔切蛋糕又可以拎乜嘢頂住先呢？議員柯創盛(柯仔)嘅太太原來上星期五生日，但柯仔當日仲要喺立法會開會，唔得閒買蛋糕同禮物畀太太，惟有用兩個漢堡包頂住先喎，唔知太太有無詐型呢？<br/><br/>柯仔日前喺Fb貼文，指佢屋企嘅「CEO」，即係太太，佢感慨平時能陪伴太太嘅時間已經少之又少，所以前日咁重要嘅日子一定唔會忘記。不過柯仔前日全日仍要喺立法會馬拉松式開會，下晝又要趕落區出席活動，要到夜晚先可以同太太慶祝啊。佢連禮物同埋蛋糕都無時間挑選喇，惟有買兩個漢堡包當做生日蛋糕先啦！<br/><br/>佢又感謝太太喺佢身邊陪佢走過高山低谷，支持同埋鼓勵佢，等佢可以無憂無慮咁投入工作。而佢最大嘅心願就係太太身體健康，以後都可以陪伴著自己。另外佢仲上載咗張同太太對住湯匙嘅合照，話希望太太會鍾意佢安排嘅慶生環節喎。