政Whats噏：卸任議員須結束辦事處　若曾改裝需自費還原

本屆立法會任期即將屆滿，一眾議員都要執手尾，唔尋求連任嘅議員一樣忙碌，皆因佢哋要喺出年1月1日前結束辦事處喇。<br/><br/>立法會秘書處今日(28日)向議員發電郵，溫馨提示議員需要備存清晰帳目，確保申報償還嘅工作開支唔包括用於立法會換屆選舉上。秘書處亦提到尋求連任嘅議員喺選舉結果出爐前都毋須結束辦事處。而即將卸‍任嘅議員就可以申領結束辦事處開支償還款額，包括一筆不設上限嘅款項，用以支付職員遣散費，另外仲有一筆唔超過235,776港元嘅款項，用作支付遣散費以外嘅所有開支。<br/><br/>即將卸任嘅議員除咗需要遷出其位於立法會嘅辦事處、仲要騰空儲物櫃、交還有關嘅鎖匙、通行證等等，可謂手續多籮籮啊。如果議員曾經喺辦事處自費進行改裝工程，咁就要自費將辦事處恢復原狀。