政Whats噏：76歲李國章再婚　娶細30歲女友何婷媚

香港大學校務委員會前主席李國章去年一直應對拆卸校園內國殤之柱爭議，到去年底正式卸任，依家可以話係一身輕。現年76歲嘅佢近日仲傳出好消息，就係終於同拍拖逾7年嘅47歲電台前高層女朋友何婷媚拉埋天窗啊！<br/><br/>因為女方與李國章嘅年齡相差近30年，過去被外界形容呢段關係為「父女戀」。兩人早喺2014年「撻着」，至2015年底就傳出男方已向女朋友何婷媚求婚成功。<br/><br/>據了解，何婷媚喺澳門長大，曾到美國留學，及後返回澳門任賽馬會高層，及後任DBC數碼電台市場推廣及業務發展總監，認識時任DBC董事會主席嘅李。翻查何婷媚嘅資料，佢喺2016年底離開DBC後，至2018年至今就喺本地時尚藝術雜誌任高層。