政Whats噏：游蕙禎「潛水」10 個月再露面　拍片話要留喺香港　

因宣誓風波被取消（DQ）立法會議員資格嘅前青年新政成員游蕙禎，喺Facebook(Fb)消失10個月後，尋晚(24日)突然「上水」，仲貼文話將會有短片出。久未露面嘅佢，依然係一把長長頭髮，似係清瘦咗，瓜子臉形，唔少網民隨即起哄，猛話唔認得佢。

事實上，唔少網民話佢變咗好多，認唔到；亦有網民質疑佢整容；雙眼大咗；佢用得太勁嘅濾鏡，仲有網民話「平安歸來就好」。

話時話，佢個Facebook專頁喺舊年5月6日上載咗慶祝生日相之後，至今超過10個月冇更新過，但知道佢有同其他人合作搞直播，期間亦有傳佢結婚，但係咪真有其事就不得而知嘞！

佢今次喺貼文中寫話好耐冇同熱水爐自拍，仲預告今日(25日)稍後時間會出短片添！

其實，佢之前亦喺網上sell過運動裝，亦介紹過古董相機，而今次上載啲相，背景就係紅色嘅牆，側邊有個熱水爐，唔通今次sell熱水爐？

去到今早(25日)，游蕙禎上載一段長約3分多鐘嘅影片，片段包括香港抗疫情況，亦都展示咗深夜無人嘅街景。游指疫情拉遠人與人之間的關係，包括學生與老師缺乏正常喺互動，經濟受到前所未有的喺打擊，形容香港人生活喺一個戰亂陰霾嘅環境。但游最後亦呼籲香港市民一齊留喺度，醫返好呢個地方。

游亦提到社交距離嘅限制阻礙人同人之間嘅關係，包括猜疑別人嘅動作會令自己染疫，社會亦因為防疫政策經常發生爭執，香港人所受嘅創傷，係外人難以想像，亦都喺香港人唔願樂見。

游蕙禎反問如果離開香港，喺咪喺一個好選擇，反而依家喺醫好呢個地方，醫好自己同身邊嘅人， 諗下自己嘅發展方向，信任係由溝通而來。

游最後形容今次嘅創傷可能要用幾代人嘅時間去撫平，而我哋就係呢個地方嘅主診醫生，仲指同我一齊留喺度，醫返好呢個地方(香港)好唔好？