東網電視
更多新聞短片
當年麥美娟(中)打流感針，痛到擘大口大嗌。
相信大家仲記得喺5年前，議員接種流感疫苗期間，支針拮落議員麥美娟（Alice）隻手，佢就痛到擘大口大嗌。時至今日，終於揭開佢怕打針之謎。
Alice今日(28日)喺Facebook講咗個故事，話說喺舊年佢哋用盡方法想勸服當時84歲嘅老竇去打疫苗，但都係不為所動，最後要出動「秘密武器」，就係叫佢嘅寶貝孫女，亦即Alice嘅姪女氹佢去。
打完針之後，老竇即係話：「你哋都黐線，捉個老竇去打針！好彩姑娘打針唔痛咋！」喺嗰刻，Alice終於醒悟，解釋到多年嚟點解佢咁驚打針，原來係遺傳。
其實，佢爸爸喺舊年底已打咗3針，但今年2月中確診，病徵輕微，幾日就痊愈嘞！原來兩父女都中招。Alice喺2月中旬因接觸一位初步確診嘅非同住家人，決定自我隔離待候檢測結果，點知喺3日後快測初確，家居隔離，而喺3月初就好返出關嘞！
