政Whats噏:派物資包支援基層家庭 楊政龍盼疫後助青年創業交流

20220425
東網電視
更多新聞短片
楊政龍(右三)、梁毓偉(右四)同楊潤雄(左一)派發物資包畀學生。
疫情持續,香港青年聯會(青聯)聯同近100個團體成立「青少年抗疫連線」(下稱「連線」)合作推動「中央援港 - 童心抗疫 YouAndMe」,向全港基層青少年及兒童家庭派發物資包。青聯常務副主席楊政龍話抗疫物資減輕咗基層家庭嘅負擔,又期望疫情過後,青聯可以喺就業創業同交流實習等方面,繼續服務香港青年人。
全港中小學同大專院校早前已分階段逐步恢復面授課堂。「連線」喺各青年團體設立咗100個公眾派發點派發抗疫物資包,以支援復課而受影響嘅學生同家長。教育局局長楊潤雄同楊政龍今日(25日)去到保良局林文燦英文小學了解復課嘅情況,仲同啲學生傾偈,了解學生上課嘅情況。
楊政龍話今次派咗30萬份物資包,共服務近700間學校,包括中小學及幼稚園,亦涵蓋多間大專院校,支援約30個家庭,當中包括約20萬名學生。佢話活動舉辦以嚟收到唔少受惠家庭反影疫情影響生計,但抗疫物資的支援讓佢哋減輕咗唔少負擔,呢方面感到好欣慰,相信只要全港上下㇐心,㇐定能夠很快戰勝疫情,及早回復正常生活。
「連線」召集人、香港青年聯會主席兼議員嘅梁毓偉就話,同學重返校園只係抗疫路上嘅第㇐步,後續仲有好多疫情後嘅支援工作,「連線」亦會繼續支援有需要的兒童同青少年。