政Whats噏：即刻變老都得　「小梁」變「老梁」

以依家嘅科技咁先進，執相真係話咁易，想執到幾後生、幾靚都得。之但係，有人竟然反其道而行。唔緊要，立即變老都得，得咗！仲話自己有明星相添！<br/><br/>話說政府今日(16日)宣布將會分階段接受65歲或以上合資格香港居民申請「樂悠咭」，咁就可以繼續享用2蚊搭車優惠計劃。於是乎，好多議員都爭相喺社交平台幫手宣傳呢項措施，相信佢哋都係出於好意，希望班長者留意，其中議員梁熙就出新招，將自己急速衰老，由「小梁」變咗「老梁」，將自己嘅老樣貼咗喺樂悠卡度。<br/><br/>佢呢個老妝都唔算難做，髮型無變，只係加咗啲拋光，臉上加咗啲皺紋，最明顯當然係加咗「二撇雞」。呢個老梁Look，睇怕都係想同班長者睇齊，令長者容易啲接受啫！班長者受唔受就唔知嘞！但係老梁自己就似乎好受落，仲話原來佢老咗個樣幾似一個明星。