港澳版>新聞>中港台
  • 政Whats噏:潛水10個月蒲頭 葵青前區議員周偉雄英國做樓面

    香港時間
    2022年06月15日(三) 11:43
    東網電視
    更多新聞短片
    周偉雄喺舊年7月底已離港赴英。
    政府舊年要求全體區議員宣誓,掀起泛民主派區議員辭職潮,當中亦有不少已離港赴英,而「潛水」10個月嘅葵青前區議員周偉雄終於蒲頭,原來喺舊年7月中辭職半個月後就離港赴英,依家喺當地做緊餐廳樓面。
    周偉雄喺社交網站上載咗一段接受訪問嘅短片,仲貼文話「終於上水面,敬請大家諒解」。佢話喺舊年年7月底、8月初去到英國,去到先申請BNO,所以頭嗰3個月冇工作,一直等到10月底批出BNO,最初做過幾日裝修雜工,後來就轉做餐廳廚房雜務,當時可謂由零開始,喺早一、兩個月先轉做樓面,算係學習階段。佢仲話要融入新生活同英國嘅文化。
    被問及由以前做區議員,去到英國做藍領有何感受?佢話做咗近10年區議員,可能因為抱住走難同避難嘅心態,所以佢覺得冇乜包袱,尤其喺到英國頭3個月冇嘢做,好悶,所以乜都做。
    感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。