政Whats噏：還押林卓廷憶去年獄中過中秋　一粒棋子餅分兩日食

臨近中秋，唔少市民應該買咗月餅應節。有前議員日前去赤柱監獄探望被還押嘅民主黨前副主席林卓廷，佢憶述舊年喺獄中度過中秋，監房派發棋子餅分兩日食。<br/><br/>前議員邵家臻今日(8日)喺社交平台貼文，話每年中秋節，監房會向在囚人士派發一粒棋子餅同一個月餅，佢話林卓廷鍾意甜食，自然鍾意食棋子餅，尤其鍾意大圍一間餅舖嘅出品。至於舊年監房派嘅棋子餅，林珍而重之，收到後先食一半，再將另一半保存好，等到翌日朝早再食。點解話保存好？事關要防止曱甴偷襲。<br/><br/>日前民主黨喺大圍嘅月餅加工場被食物環境衞生署搜查，邵家臻話林卓廷喺前晚睇新聞得知，仲話最緊要人冇事喎。林卓廷因民主派35+初選案，涉違港區國安法被控串謀顛覆國家政權罪，已被還押超過年半。