東網電視
更多新聞短片
1/2
涉民主派35+初選案、被還押兩年多嘅前議員毛孟靜(毛婆)，之前在獄中患上流感，有前議員尋日(16日)去探過佢，話佢已康復，但係就瘦咗啲，又話佢喺獄中冇化妝品化妝，白頭髮就用手掹走。
去探望嘅前議員話毛婆喺「大棚」生活，同30人一齊工作，同10人一齊睡覺，群體生活令佢認識咗世界嘅另一面，聽咗好多唔同嘅血肉故事。對於在囚生涯，前議員引述佢話「前所未有地咁夠瞓，前所未有地睇咁多書」，呢刻係佢有生以來最有學問嘅時刻。
由於毛婆其中一個兒子長期喺法國生活，所以佢嘅法文也要急起直追，希望能夠更順暢地同兒子以法文溝通，所以佢依家上晝學法文，下晝學英文，晚上學中文。
前議員形容毛孟靜瘦咗啲。
