東網電視
更多新聞短片
梁美芬踩單車游走校園每個角落。
1/2
議員梁美芬曾經提過，1987年喺中大政治及公共行政學系畢業後，所得嘅獎學金並非用於美國或法國升學，反而選擇到中國人民大學修讀法律碩士及博士學位。佢今日(2日)喺Facebook分享自己重返「人大」校園，以踩單車嘅形式游走校園每個角落，符合環保之餘，亦勾起當年嘅回憶。
梁美芬重返母校，回憶當然會觸及昔日完成法學碩士與博士嘅日子。佢話跟從兩位中國憲法學界泰斗許崇德、曾憲義教授學習，研究兩岸四地嘅法律，為一國兩制法律人才做準備，經歷內地法律改革嘅驕人成就！而喺學術以外，亦有另一種收穫，事關 佢當年就係喺呢個校園學識踩單車。
梁又慨嘆，今時今日嘅校園多咗好多新建築物，而自己曾經住過嘅學六樓已經唔見咗。佢又特別提到，除咗十多年前喺大美督教兩個小朋友踩單車外，自已都好耐冇踩單車啦！佢話重新騎上單車，一樣不遜當年，實在太開心咁話！
梁美芬重返母校，觸目所見都勾起昔日嘅回憶。
