東網電視
更多新聞短片
好開心呀！Mio佢望住我笑呀！
1/4
10場激戰！88蚊有得睇！
日本「可愛女拳王」Mio Tsumura抵港，Sweet爆笑容攞晒分！「灝天金融慈善 Energy Fight - Shoot Boxing 站立綜合格鬥の香港站」周日（17日)盛大舉行，一眾來港參戰嘅日本拳手周五（15日）抵港，包括矢志搵向柏榮師傅「執仇」嘅坂本優起，同埋超Kawaii嘅女拳王Mio Tsumura，但因為飛機延誤，所以原定嘅練習就取消咗。
不過Mio就好nice好識做咁接受記者訪問，今次係Mio首次嚟香港，佢就話心情好興奮：「雖然一落機就由機場嚟呢度（灣仔Bomber Gym），但可以嚟香港比賽好興奮，我已經準備好同對手打一場精彩嘅比賽。」講到對手胡凱欣，Mio似乎已經做晒功課：「我有睇佢比賽嘅影片，佢手長腳長，對岀拳好有利，但我會用更多Shoot Boxing技巧，例如背摔，鎖技去作戰，我有100%信心可以喺比賽勝岀！」
「灝天金融慈善 Energy Fight - Shoot Boxing 站立綜合格鬥の香港站」，2017年12月17日（星期日）假尖沙咀街坊福利會會堂盛大舉行，各位除購票到現場戰外，亦可透過東網on.cc觀看賽事直播，只需要付出港幣88元，便可安在家中觀看10場激戰。
10場激戰！88蚊有得睇！
唔知Mio（右）講咩，搞到森田實沙樹笑到咁？
睇吓場刊寫我咩先。
叫Mio擺甫士畀傳媒影相，佢竟然耍螳螂拳，好可愛呀！
