俄妹選佢做最性感男士！非洲夏韶聲咁答

東網電視

「非洲夏韶聲」艾路施斯好得俄羅斯妹歡心。(美聯社圖片)

塞內加爾喺俄羅斯世盃分組賽以2:1擊敗波蘭後，「非洲夏韶聲」艾路施斯因為造型潮爆被網民關注，仲畀人起底講番佢12人個家人喺02年「世紀海難」中不幸離世，佢嘅悲劇英雄形象幫佢贏到好多Like，俄羅斯女球迷仲選佢做世盃最性感男士添！

俄羅斯世盃靚仔唔少，例如C朗、占士洛迪古斯同保羅戴巴拿，但俄羅斯妹覺得艾路施斯更有男人魅力，佢咁回應：「我好意外，原來咁多女仔鍾意我，多謝佢哋選我，但其實我唔覺得自己係呢類型，而且塞內加爾好多我呢款。」話就咁講，艾路施斯喺場邊教波個樣真係好Charm，或者佢唔自覺啫！

Follow東網體育IG一齊撐本地運動員！

東網體育FB同你追實體壇每個精彩時刻！