東網電視
更多新聞短片
即上彩報世盃專頁：http://win.on.cc/football/cup2018/
世盃G組今晚有英格蘭對巴拿馬，巴拿馬上場慘吞比利時3蛋，自然被睇低一線，不過擁有英格蘭血統嘅前巴軍主帥Gary Stempel就警告英軍，巴拿馬絕對唔容易應付：「如果修夫基覺得可以好似上場咁贏波，佢即本咁諗啦，但我哋呢班由細喺碎石場踢街波訓練出嚟嘅球員，已經準備好壞佢好事！」
英格蘭同巴拿馬兩軍除咗球員身價，足球資源亦都係天壤之別，英軍有溫布萊呢啲大型球場，相反原來巴拿馬國內就只得一個標準草地足球場，Gary Stempel補充：「要數就只得國家球場符合規格，其他都只係碎石場或者小型室內場，所有球員都係咁樣成長。」
喺世盃中北美洲區外圍賽最後一輪絕殺哥斯達尼加、送球隊入世盃的後衞路文托利斯，就正正係由街場挑選出嚟，佢哋雖然唔似英軍球員咁，喺有系統性嘅訓練下成長，但正如16年歐國盃嘅冰島一樣，當時又有邊個諗到佢哋會贏？今晚就睇下呢班「街頭鬥士」，可唔可以復製冰島兩年前嘅歷史啦！
Follow東網體育IG一齊撐本地運動員！
東網體育FB同你追實體壇每個精彩時刻！
