港超聯　廖培楓爆喊：我掛靴喇！

香港飛馬於周六（8日）「中銀人壽香港超級聯賽」以2比1打破東方龍獅不敗身，賽後一眾球員走向觀眾席向球迷致謝，而戰至61分鐘退下火線的廖培楓更哭成淚人宣布掛靴：「呢場係我職業生涯最後一場比賽，因為我決定考紀律部隊，都已經收咗。」

「自己比其他人遲起步，都浮浮沉沉一排，考紀律部隊係一早有嘅諗法，未嚟飛馬已經報考，之後同管理陣傾過佢哋都okay⋯⋯。」被問到會否不捨得球圈，現年27歲的他更一度哽咽、聲淚俱下：「一定唔捨得⋯⋯始終呢個係夢想⋯⋯訪問問過我黃大仙嗰幾個一齊踢上嚟，我點解仲要踢，好想繼續幫佢哋行埋落去，但係今時今日我行唔到落去，好似對佢哋唔住⋯⋯。」他表示球證示意完場一刻，有如放下球員身份，對於職業生涯最後一場未能取得入球感到極遺憾，但最重要是球隊取勝。他更希望以自己故事勉勵年輕人，他們可以一步一步登上港超聯舞台。