「香港足球明星—中場」有冷有熱

20190522
東網電視
更多新聞短片
「2018-19 香港足球明星選舉」頒獎典禮,周三(22日)晚假九龍灣宏天廣場百樂門宴會廳盛大舉行,「香港足球明星—中場」的得獎者名單有冷有熱,4人分別為和富大埔的黃威、傑志的費蘭度、和富大埔的陳肇鈞及冠忠南區的夏志明。
「香港足球明星-中場」其中一位得主陳肇鈞認為,獲獎是他重回高峰的證明:「一開始攞完最佳青年球員之後幾年有啲DUP咗,踢得唔好,好似嘥咗幾年咁。今年好彩踢到隊好好嘅球隊,有好老闆、好教練、好隊友,真係幫咗我好多。」他在此呼籲年輕球員要好好思索自己的職業道路:「啱啱起步嘅球員一定要認真諗自己條路點行,同咩人合作、去咩球隊發展等等。」
和富大埔奪得今屆港超聯冠軍,「Philip仔」認為有如「童話故事」:「我知道自己唔係球皇,所以今年真係好珍惜同一班隊友去踢,特別係攞到聯賽冠軍證明到我哋呢班兄弟係得嘅,證明到呢個世界上係有童話故仔。」
不過「少爺仔」披露下季有可能離隊他投:「我都未知道自己會唔會留低,有機會可能會放低由細建立嘅嘢,不過足球生涯係短,係會自己走自己嘅路。我覺得係時候嘅話係需要轉下環境,希望下年可以KEEP到表現幫到下年我踢嘅球會啦。」