東網電視
更多新聞短片
1/3
足球博彩神器，每日重心提供盡在《彩報》：http://win.on.cc/football/
歐國聯開波前夕，多支國家隊公布新球衣，英格蘭一次過公布新款主場同作客波衫，其中主場球衣變化唔大，主要係由之前白色V領改為深藍色圓領，同埋兩則有紅藍直間，被指複製1998年嘅設計。
最引人注目反而係作客球衣，英格蘭以往作客波衫以紅色為主色，但今次變成藍色Polo恤，而且仲有幼紋同暗花圖案，隊徽轉為紅色，設計非常精美，似休閒服多過似比賽用球衣，預料市場潛力更加巨大。
英格蘭將於周日(6日)凌晨歐國聯作客冰島，下周三(9日)凌晨作客丹麥，或者有機會見到佢哋着呢件反傳統作客球衣。
不過，1件英格蘭新球衣價錢高達99.95鎊(約1035港元)，英國球迷鬧爆英足總喺疫情期間，仲不忘掠水，賺取暴利，認真無良。
