东网电视
更多新闻短片
足球博彩神器，每日重心提供尽在《彩报》：http://win.on.cc/football/
周二(20日)凌晨英超大战，列斯联主场迎战狼队斗得激烈，上半场列斯联控制战局，但面对狼队紧密防线束手无策，换边后狼队开始反扑，去到70分钟，鲁尔占美尼斯一次睇落威胁唔大嘅远射，因为列斯联中场加云菲腊斯加一头改变方向直飞入网，狼队就凭呢个入球小胜1比0。
鲁尔占美尼斯今场唔单止入波有运，最后唔使食红牌亦要还神。喺比赛最后阶段，鲁尔占美尼斯被列斯联中坚罗宾高治撞跌后，疑似报复性咁一脚踩向对方下体，不过球证同VAR都冇任何行动，令球迷非常不满。有趣嘅系，今场执法球证古迪同VAR球证奥利华，就系日前“默西塞德郡打吡”放生比克福特嘅球证组合，不过当时古迪系负责操控VAR系统。
前英超球证希斯赛后表示：“鲁尔占美尼斯唔使赶出场真系好幸运，热刺嘅孙兴民之前试过有比呢脚更轻微动作，都要食红牌。”至于狼队主帅纽奴就话：“我隔太远睇唔到，但呢啲事情由球证负责，其他人唔需要讲太多，我自己就睇唔到。”
