埃及宣布徵召沙拿踢奧運 利物浦大鑊!

20210302
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
利物浦今季傷兵問題嚴重,依家就連下季都有問題,埃及U23教練加列比日前宣布,穆罕默德沙拿成為球隊今夏出戰東京奧運嘅3位超齡球員之一。據報利物浦今個月會同埃及足總接洽,希望可以為旗下王牌前鋒申請免役。
加列比日前喺埃及電視台證實:「埃及U23初選大軍已定出,佢哋會由3個超齡球員帶領,穆罕默德沙拿、艾舒拿維同埋另外一個門將。穆罕默德沙拿係當今球壇其中一個最有影響力嘅球員,搵佢踢奧運係好合理,我哋會喺3月份國際賽期後正式同利物浦溝通。」
東京奧運足球賽事喺7月23日至8月8日舉行,如果穆罕默德沙拿真係要去日本參賽,將會缺席利物浦大部份季前備戰以及英超開季。利物浦今季雖然成績低落,但穆罕默德沙拿仍然有17個入球同3次助攻,成為球隊表現最出色球員。