夏薩特重返一隊跟操　西甲打吡隨時候命

《串績王》新登場，最強博彩盤路過關神器：http://win.on.cc/football/　

西甲打吡周六深夜爆發，皇家馬德里同巴塞隆拿嘅新仇舊恨，今仗都想力爭3分，主場出戰嘅皇馬賽前獲有利消息，兩位主將丹尼爾卡華積及夏薩特傷勢康復進展理想，有望喺呢場關鍵一戰上陣。

卡華積自從2月14日對華倫西亞一戰，拉傷跟腱肌肉之後，一直無參與一隊嘅任何活動，今個星期佢已經重返一隊跟操，而且狀態唔錯。卡華積今季傷完又傷，已經缺席了27場比賽。

至於「玻璃人」夏薩特亦接近歸隊，佢3月初整傷背部，一直話復出無期，但過去一周佢已經跟球隊訓練，目前要視乎佢復操後嘅狀態。今仗打吡大戰對兩軍在西甲形勢都相當關鍵，皇馬目前落後巴塞2分位列第三，如果贏波就可以超越死敵升上第二，反觀僅落後馬體會1分嘅巴塞，如果今仗可袋走3分就可以升上榜首做一哥。