港超聯 開齋波顯功架!查理史葛:已適應天氣

20210410
東網電視
更多新聞短片
查理史葛(中)入波慶祝仍不忘飲水。 (林卓臻攝)
「中銀人壽香港超級聯賽」周六(10日)愉園與冠忠南區大演對攻戰,最終3比3賽和,其中今場正選身分出戰的「快活谷」中場查理史葛,以一記靚絕遠射攻破對手大門,終於攻入加盟球隊的處子球,成為搶分功臣,賽後他坦言預計到這個入球會來臨。
「之前對晉峰同東方都有試過遠中柱,周三(菁英盃決賽)射門又被救到,今次終於可以喺港超聯攞到士哥,係開心嘅,但今場比賽戰果先至係最重要;對球迷嚟講,3比3可能係可接受嘅賽果,但呢場係我哋想贏嘅比賽。」查理史葛賽後接受訪問時講到。這位前曼聯青訓球員,入球後接受隊友祝賀,更走到場邊,與中場好拍檔米基爾擺出愉園球員標誌性慶祝「甫士」,可見這個入球對的他意義,當然他亦不忘大口飲水補充水分。
與南區比賽當日,香港仔運動場氣溫最高去到26度,雖然不時有風,但陽光依然猛烈,這位過去一直在適應本地天氣的英格蘭中場,最終堅持戰至比賽最後一分鐘,算上周中「菁英盃」決賽對東方龍獅一戰,查理史葛一周內已經踢足3場90分鐘比賽,似乎適應香港這個新環境,對他而言已經不成問題:「今日都幾熱,但比起啱啱嚟到香港,我依家已經適應得好好多;平時我注意飲食營養,飲好多水,對自己現時狀態幾滿意。」