【官宣】天價人工！皇馬同阿拉巴簽約5年
20210529
東網電視
更多新聞短片
最強博彩盤路過關神器《串績王》：http://win.on.cc/football/
西甲豪門皇家馬德里正式宣布簽入拜仁慕尼黑後衞阿拉巴，雙方將會簽約5年，呢位即將29歲嘅奧地利國腳獲得1,200萬歐元(約1.1億港元)年薪，同皇馬隊長沙治奧拉莫斯睇齊。
阿拉巴屬於拜仁青訓產品，由2010年開始效力呢支德甲勁旅，為球隊上陣431次，射入33球及55次助攻，包括今季上陣45次，射入2球及7次助攻。
阿拉巴技術全面，可以勝任中堅、左後衞、防守中場。呢位全能戰士今夏約滿，由於同拜仁一直就薪酬問題傾唔掂數，今年2月已經宣布唔會續約，等6月約滿自由身離隊，結果依家加盟皇馬。
由於阿拉巴已經入選奧地利出戰6月歐國盃決賽周嘅大軍名單，佢要等到賽事結束之後，先至會正式向皇馬報到。
皇馬簽入阿拉巴之後，意味好大機會放棄沙治奧拉莫斯，畀呢位35歲老將今夏自由身離隊。