卻奧斯隔離完畢　回歸德國隊

足球博彩神器，每日重心提供盡在《彩報》：http://win.on.cc/football/　<br/><br/>早前確診新冠肺炎嘅皇馬中場卻奧斯已經完成14日隔離，並抵達德國國家隊備戰歐國盃嘅訓練基地報到。不過，呢位31歲中場大腦仲要等通過體測，先至可以參加操練。<br/><br/>卻奧斯病情康復之後，已經飛抵位於奧地利嘅德國集訓大本營，佢透露上星期曾經發燒，隊醫會為佢進行血液樣本及心電圖等檢查，所以卻奧斯將會缺陣周四(3日)凌晨熱身賽對丹麥。<br/><br/>另外，剛踢完歐聯決賽嘅根度簡、迪姆華拿、夏維斯，以及有傷在身嘅哥列斯卡、穆斯亞拿都無緣對丹麥。德國踢完對丹麥嘅熱身賽之後，仲會同拉脫維亞踢熱身賽，跟住6月16日凌晨出戰歐國盃F組賽事對法國，同組仲有葡萄牙、匈牙利。