【有片】普列錫教石斑踢波　涉嫌虐待動物

即上歐國盃專頁，每日重心提供盡在《彩報》：https://win.on.cc/　<br/><br/>車路士翼鋒基斯甸普列錫抖暑期間，不忘練波，但方法令人髮指，呢位22歲美國國腳同朋友出海釣魚，有人釣到條大石斑，當時仲未拖上船，基斯甸普列錫就坐喺船邊控球「的波」拍片，片中有人話基斯甸普列錫係教緊條石斑踢波，認真荒謬。<br/><br/>從片中見到，基斯甸普列錫的的下波，最後自己都跌落海，嚇到條石斑想游走，但因為被魚鈎鈎住，只能垂死掙扎，普列錫爬番上船之後仲瘋狂大笑。<br/><br/>片段流出之後，一個名為Blue Planet Society嘅愛護動物組織立即炮轟基斯甸普列錫此舉根本係虐待動物，行為冇底線。<br/><br/>片中嘅哥利亞石斑屬於瀕危物種，基斯甸普列錫仲咁玩法，難怪遭輿論批評，唔知佢「教完」石斑踢波之後，有冇放佢一條生路呢？