兩大神鋒伊巴謙朗拿度碰頭　有乜搞作？

即上歐國盃專頁，每日重心提供盡在《彩報》：https://win.on.cc/　

當歐國盃進行得如火如荼嘅時候，冇份參加呢項大賽嘅球員都去咗度假，各自各精彩，其中因傷無緣為瑞典參賽嘅伊巴謙莫域去咗西班牙度假勝地伊維薩島鬆一鬆，仲偶遇巴西名宿「大哨」朗拿度，兩位同樣效力過米蘭雙雄嘅神鋒來一次世紀合照，認真難得。

39歲嘅伊巴謙莫域曾於2016年宣布退出國際賽，今年3月復出為瑞典披甲，希望出戰歐國盃，可惜之後又受傷無緣參賽，惟有趁今個暑假養傷，當然不忘出外度假「叉電」，準備為AC米蘭迎接新球季。

伊巴謙莫域去伊維薩島玩嘅期間，咁啱遇到朗拿度，原來「大哨」同女友都去當地度假，兩大神鋒難得撞見，梗係要合照放上社交網呃Like。

伊巴謙莫域同朗拿度除咗同樣係頂級射手之外，兩人亦都效力過國際米蘭、AC米蘭、巴塞隆拿，依家連度假都撞到，的確好有緣分。