【官宣】多蒙特簽入荷蘭飛翼　頂替辛祖

最強博彩盤路過關神器《串績王》：http://win.on.cc/football/　<br/><br/>德甲勁旅多蒙特正式宣布，成功收購荷蘭國腳當耶爾馬倫，雙方簽約5年，呢位22歲翼鋒上季為燕豪芬射入27球，踢法極具侵略性，可以填補查頓辛祖轉投曼聯之後，留下嘅位置。<br/><br/>多蒙特以7,600萬鎊將查頓辛祖出售畀曼聯，今次僅用2,600萬鎊就買到當耶爾馬倫，賺咗一大筆。當耶爾馬倫屬於燕豪芬青訓產品，3年前已經成為主力，上季表現大熟大勇，各項賽事上陣45次入27球，並有份為荷蘭出戰今屆歐國盃，佢踢法特點係速度快，最高達到時速31.3公里。<br/><br/>不過，當耶爾馬倫喺歐國盃16強對捷克，錯失1次單刀入波機會，荷蘭最終輸波出局，佢埋門把握力仲有待提升。