東網電視
更多新聞短片
足球博彩神器，每日重心提供盡在《彩報》：http://win.on.cc/football/
曼城球星班捷文文迪因涉嫌強姦同性侵案，自8月開始已經身陷囹圄，近日檢控官決定加控班捷文文迪多2項強姦罪，消息為全球媒體廣泛報道，不過有著名媒體喺報道嗰陣，竟然「點錯相」落咗車路士門將艾度亞文迪嘅相片，搞到呢位冤枉門神嬲爆反擊。
艾度亞文迪喺IG貼出多個「點錯相」媒體嘅截圖，有感而發話：「好遺憾嚟到2021年，喺法國同英國部份人眼中，黑人仍然冇自己嘅名字同外貌。呢啲『落錯』嘅相片可能係意外，但亦好有象徵性，要分別兩個面孔其實一啲都唔難，而且仲要著住唔同嘅波衫。」
文迪(Mendy)係球壇其中一個大姓，出名嘅除班捷文文迪同艾度亞文迪之外，效力皇家馬德里嘅費蘭特文迪亦喺社交網聲援：「多謝艾度亞文迪！我哋已經喺2021年。停止(種族歧視)！改變需要時間，無論大家鍾唔鍾意，你哋最終都會尊重我哋。」
