東網電視
更多新聞短片
足球博彩神器，每日重心提供盡在《彩報》：http://win.on.cc/football/
薩爾斯堡前鋒艾迪耶美係歐洲炙手可熱嘅天才前鋒，據轉會權威記者Fabrizio Romano爆料，多蒙特已經接近簽入呢位德國新晉前鋒，一份5年合約已經送到去艾迪耶美手上，成事機會極高。薩爾斯堡周四(17日)歐聯16強大戰拜仁慕尼黑，艾迪耶美可以先向未來勁敵Show Quali！
多蒙特早前宣布夏天簽入回復自由身嘅拜仁守將歷卡斯蘇尼後，集中火力完成艾迪耶美嘅收購，Fabrizio Romano指談判已經去到深入階段，5年合約亦已準備，多蒙特可望喺未來幾星期內落實轉會。薩爾斯堡出產嘅前鋒一向有保證，艾迪耶美加盟多蒙特後，預計會取代另一「薩爾斯堡出品」艾寧夏蘭特嘅位置。
艾迪耶美早前因傷缺陣超過1個月，不過上場聯賽對維也納迅速已經復出，佢對今場歐聯亦信心爆棚：「拜仁慕尼黑係頂尖球隊，不過歐聯賽事充滿可能性，大家覺得拜仁係熱門，但我哋眼中唔係，薩爾斯堡唔會為和波而戰，我哋想喺主場先拔頭籌！」
